Ish kryeministri Sali Berisha, tha se do jenë qytetarët ata që do të zgjedhin mosbindjen civile nesër. Mosbindje sigurisht që nënkupton rebelim i cili detyrimisht të çon në mosbindje civile. I ftuar në emisionin “Zonë e Lirë”, Berisha deklaroi se nesër është protesta e ngjalljes së shpresës së shqiptarëve dhe synon përmbysjen e Ramës.
“Protesta e thirrur për nesër, është protesta e ngjalljes së shpresës së shqiptarëve dhe synon përmbysjen e Ramës. Është në dorë të qytetarëve të zgjedhë llojin e mosbindjes civile. Aty ku drejtësia është marrë peng, i takon publikut të bëjë drejtësi,” u shpreh Berisha.
Ndërkohë gjatë ditë së sotme kryetari i partisë demokratike Lulzim Basha tha se do të jetë një protestë paqësore. Objektivat e Bashës dhe Berishës me sa duket janë të kundërta.
