Presidenti amerikan Donald Trump kërkon mbylljen e lotarisë amerikane, por jo vetëm asaj sepse kërkon dhe të largojë të gjithë emigrantët pa letra nga SHBA-të. Shtëpia e Bardhë bëri publike hollësitë e asaj që e cilësoi si “kornizë kompromisi” për imigracionin, të cilën Kongresi duhet ta miratojë ose hedhë poshtë.
Sipas zëdhënëses së Shtëpisë së Bardhë korniza ligjore “përmbush katër shtyllat për të cilat është rënë dakord: siguria e kufirit, dhënie fund emigrimit mbi bazë familjare,mbyllje e lotarisë së vizave, dhe zgjidhje përfundimtare për imigrantët e paligjshëm që janë sjellë si të mitur nga prindërit”.
Për 1.8 milionë emigrantët në moshë të re, që jetojnë në Shtetet e Bashkuara pa dokumente, që kur janë sjellë nga prindërit e tyre në moshë të mitur, oferta parashikon një rrugë të gjatë drejt shtetësisë me kushte.
Për këta të fundit, parashikohet “një rrugë nga 10 në 12 vjet për të marrë shtetësinë me kërkesa për punë, arsim dhe karakter të mirë moral”.
