Kreu i Partisë Demokratike, Lulzim Basha do të zhvillojë një takim më aleatët e tij, një ditë para protestës.
Mësohet se mbledhja do të nisë në orën 12:00 në selinë blu, ku pritet të diskutohet plani dhe mënyra e organizmit të protestës.
Kreu i demokratëve ka deklaruar më herët se opozita ka një strategji për protestën e së shtunës dhe një hallkë e rëndësishme është edhe reagimi i qytetarëve, por nuk ka dhënë shumë detaje.
E njëjta gjë ka ndodhur edhe me kryetaren e LSI-së, Monika Kryemadhi, e cila nuk ka dhënë detaje mbi skenarin e protestës. PD ka marrë leje nga policia e Tiranës për një protestë 4-orarëshe e cila nis në orën 12:00.
Për mbarëvajtjen e protestës janë angazhuar rreth 1500 forca policie dhe janë marrë masa duke bllokuar disa akse rrugore.
