Deputetja e Partisë Socialiste Elisa Spiropali tha se nga Shqipëria nuk largohen ata që kërkojnë punë, por që duan paga më të larta. E ftuar në “360 Gradë” në Ora News, Spiropali deklaroi se ka një sërë faktorësh, që ndikojnë për mënyrën se si shohim veten ata që ikin nga vendi. Ajo bëri përgjegjës edhe media duke listuar si një nga faktorët e largimit të shqiptarëve.
“Një pjesë e atyre që emigrojnë nuk janë fare pjesë e atyre njerëzve që kërkojnë një punë, por janë njerëz të shtresës së mesme dhe duan një pagë më të mirë. Ka shumë arsye që njerëzit të ikin. Fakti që në të gjitha mediat shqiptare me ndikimin pompoz ka ndikuar.
Në faqe të parë lajme për vrasje, analiza kush ishte djali që u vra, si ishte vajza. Unë thashë që ka një sërë faktorësh, edhe media, edhe kulturor janë të gjitha faktorë që ndikojnë për mënyrën se si shohim veten“, tha Spiropali.
