Kryetarja e Lëvizjes Socialiste për Integrim, Monika Kryemadhi ka bërë thirrje që protestuesit të tërheqin zvarrë kryeministrin Edi Rama. Kryemadhi deklaroi se Rama po shkatërron Shqipërinë ndaj duhet tërhequr zvarrë për së gjalli. Këto deklarata të forta kryemadhi i bëri sot në një takim me strukturat e LSI-së në qarkun e Beratit.
“Sot më shumë se kurrë duhet të zgjohemi nga apatia sepse e ndiejmë të gjithë që jemi më të varfër. Nëse nënshtrohemi do jetë gjumi i vdekjes sepse të gjithë do të ikin nga Shqipëria. Ashtu si në vitet 1990 ku të rinjtë tërhoqën zvarrë bustin e diktatorit Enver Hoxha, kështu edhe ne të bëhemi bashkë për ta tërhequr zvarrë për së gjalli këtë kryeministër që po shkatërron Shqipërinë.
Në 27 janar, të gjithë së bashku të marrim pjesë në këtë protestë paqësore duhet ti tregojmë këtij kryeministri se që kaq sa jemi me një frymë të rrëzojmë”, deklaroi Kryemadhi.
Më 27 janar e gjithë opozita e bashkuar me dy partitë e mëdha PD dhe LSI do të protestojnë kundër qeverisjes së kryeministrit Edi Rama.
