Kryeministri Edi Rama ka reaguar para pak minutash lidhur me deklaratën e sotme të Ambasadës Amerikane në Tiranë, sa i takon zgjedhjes së Prokurorit të Përkohshëm.
Teksa SHBA-të konfirmuan sërish qëndrimin pro ndaj zgjedhjes së Markut, Rama ironizon PD-në.
“Përkthimi shqip-shqip i SHBA rrëzon përsëri leximin shqip-shqup të Kushtetutës për drejtësinë. Shumë keqardhje dhe pak shpresë për reflektim”, shkruan kryeministri Rama.
Pak ditë pasi Partia Demokratike ka bërë një propozim për ndryshimin e Kushtetutës në mënyrën se si mund të zgjidhet Prokurori i Përkohshëm, duke përcaktuar edhe shkarkimin e Arta Markut, Ambasada Amerikane shkruan:
“Kushtetuta dhe ligji janë për Prokurorinë janë të qarta. Ambasada e SHBA mbështet opinionin ligjor që OPDAT dhe EURALIUS i kanë dhënë Parlamentit”.
Partia Demokratike ka kërkuar rikthimin e legjitimitetit në Kuvend duke e cilësuar si antikushtetues mënyrën se si u zgjodh Prokurorja e Përkohshme e Përgjithshme Arta Marku.
