Ministria e Drejtësisë ka publikuar së fundmi emrat e fituesve për drejtorë hipotekash në Tiranë dhe rrethe, por pavarësisht se u tha se ishte një proces i drejtë dhe transparent, duket se kemi të bëjmë me një mashtrim të madh. Mjafton të kërkosh pak informacion për disa prej drejtorëve, do të shikoni se pjesa më e madhe e tyre kanë qenë militantë të Partisë Socialiste.
Devoll
Ndërsa, ajo që bie në sy në listë është rasti i drejtoreshën së Hipotekës së Devollit Valbona Beshi, e cila nuk është zëvendësuar, pavarësisht ultimatumit të dhënë nga ana e Ramës.
Kavajë
Ndërkohë një rast tjetër në krye të Hipotekës në Kavajë është Matilda Peza. Për këtë të fundit nuk dihet ende ndonjë informacion lidhur me profilin, por duket se lidhja e fisit të saj me hipotekën në Kavajë është mjaft e hershme. Në krye të kësaj drejtorie qenë Aqif Peza, babai i drejtoreshës aktuale i cili rezulton i dënuar më herët për shpërdorim detyre, me vendim gjykate, shkruan newsbomb.al. Ndërsa djali i tezes së Matilda Pezës, Asim Arkaxhiu ka qenë drejtor Hipoteke në Kavajë deri para 6 muajsh, kur ndaj tij nisi një hetim nga Prokuroria për shpërdorim detyre.
Tiranë
Kështu në Tiranë në krye të Hipotekës është vendosur, Valdrin Pjetri. Ky i fundit ka qenë më parë i punësua në Ministrinë e Mbrojtjes. Ai është largua nga detyra, ku është larguar dhe ish-ministrja e Mbrojtjes Mimi Kodheli, shkruan Tirana Today.
Sarandë
Drejtorja e re e Hipotekës së Sarandës është Jonida Abduli. Kjo e fundit është kryetarja e PS-së për qytetin e Sarandës.
Elbasan
Kreu i Hipotekës në Elbasan do të jetë Mariglen Disha. Ky i fundit ishte krei i ALUIZNI-it dhe më pas kandidat për deputet i PS-së për këtë qark.
Gramsh
Xhilson Bajrami është fituesi sipas Ramës i konkursit për drejtimin e Hipotekës së Gramshit. Ai është funksionar i FRESSH dhe drejtues në OSHEE për këtë qytet.
Librazhd
Fatmir Brazhda, fitues i konkursit për drejtues Hipoteke të Librazhdit. Brazhda është nëpunës publik, por që pjesën e kohës së lirë e harxhon duke shpërndarë postimet e Ramës dhe të Blendi Klosit në “Facebook”.
Shkodër
Fituesi i konkursit në Shkodër është një ish-banakier, militant i PS Zamir Leka Velipojë.
Në galerinë që shoqëron këtë lajm mund të ndiqni edhe detaje nga postimet në Facebook të të gjithë drejtorëve militant të PS që janë zgjedhur në krye të hipotekave.
Dibër
Alma Bojku, e cila është zgjedhur drejtore për Hipotekën në Dibër, ka qenë kandidatë e këshillit bashkiak në këtë qark në zgjedhjet e 2015 në radhët e Partisë Socialiste.
Durrës
Ish-shefit te zyrës juridike ne ndërmarrje e Ujësjellës Kanalizimeve në Durrës Adrian Iliazaj , është bërë drejtori i ri i Hipotekës për qytetin bregdetar.
Fier
Ndërsa drejtori i ri i Hipotekës së Fierit do të jetë Petrit Kanani, i cili ka qenë punonjës në bashkinë Fier.
Gjirokastër
Drejtori i Hipotekës së Gjirokastrës i cili vjen nga radhët e PSD së Tiranës do jetë Florian Taci me origjinë nga Gjirokastra.
Kolonjë
Hipoteka në rrethin e Kolonjës do të drejtohet nga Eljona Mydini, e cila më parë ka punuar gjatë qeverisë ramë dy në rolin e përmbarueset te ATP.
Kukësi
Ka qenë sponsor kryesor i fushatës së PS-së për vitin 2017 Klodian Gashi, i shpallur fitues nga konkursi i ministrisë së Drejtësisë është gjithashtu militant i PS-së.
Vlorë
Sokol Bana- Jurist dhe pedagog në Vlorë. Kandidat për deputet i PS-së në Vlorë, i 11-ti në listë për zgjedhjet e 2013.
Pukë
Në krye të Hipotekës së këtij qyteti është vendosur Gjikë Nikolli, i cili ka qenë zëvendës kryetari i Bashkisë së Fushë-Arrëzit.
Pogradec
Kandidati për komisionet e vetingut, Majlind Shkira është vendosur në krye të Hipotekës së Pogradecit.
Mirditë
Julian Përgega ka punuar më parë te ministria e Drejtësisë dhe tani është zgjedhur drejtor i Hipotekës së Mirditës.
Has
Fadil Mazreku, mbështetës i Partisë Socialiste në fushatë. TIRANA TODAY
