Lideri i Iniciativës Qytetare “Liria, Demokracia, Drejtësia” në Kosovë, Oliver Ivanoviç, do të varroset sot në Beograd. Ivanoviç u vrara të martën para zyrës së tij në Mitrovicën e veriut.
Funerali do të nisi në orën 12:30 në Kishën Ortodokse Serbe në kompleksin e varrezave “Novo Groblje” të Beogradit.
Vëllai i Ivanoviçit, Mirosllav Ivanoviç, ka thënë se familja ka pranuar propozimin e Qeverisë së Serbisë që i ndjeri të varroset atje, ashtu si edhe disa nga njerëzit më të rëndësishëm në historinë serbe. Ndërsa është bërë e ditur se familja e Oliver Ivanoviq nuk do të kthehet në Kosovë.
Djali i tij i madh Nikola Ivanoviç është shprehur: “Është e vështirë, dhe vetëm ne e ndjejmë këtë dhimbje të madhe. Por nuk duhet të shqetësohen ata që nuk e kanë dashur babain tim. Unë e di që ka shumë nga ata që ndejnë dhimbje për largimin e tij nga jeta”.
Ai tregon se babai i tij ishte një prin i cili do kishte bërë krenar çdo fëmijë.
“Ne jemi krenarë për të. Ai ishte një forcë për ne. Prej tij kemi mësuar se njeriu vlen aq sa është i gatshëm për t’iu përgjigjur të gjitha sfidave dhe tundimeve. Unë dhe vëllezërit jemi krenarë për babin, edhe pse au u burgos kur ai u burgos padrejtësisht. Në vend të kësaj ne e inkurajuam atë, ai na inkurajoi ne”, tha djali i madh i Olivrit, Nikola nga martesa e parë.
