Deputetja e Partisë Socialiste ka folur sot për marrëdhënien e saj me ish-deputetin socialist, tashmë deputet i lirë.
E ftuar në rubrikën “Këndi i Ekselencës” në emisionin “Vila 24”, deputetja e PS, Elisa Spiropali ka folur për karrierën politike si dhe jetën e saj personale.
Teksa u pyet për marrëdhënien me ish-ministrin e Brendshëm i akuzuar nga opozita për lidhjet me Habilajt, Spiropali tha se me të nuk ka pasur marrëdhënie miqësore, por respekt të ndërsjellë:
“Nuk kam pasur marrëdhënie miqësore me Tahirin, pra që të ulemi në tavolinë etj, por kemi pasur një respekt të ndërsjellë në PS. Për rastin e tij mendoj se duhet të flasë drejtësia”, tha deputetja e PS.
E pyetur nga studentët për lajmet se ajo ka një simpati për Berishën, deputetja nuk e mohoi:
“Po ka qenë një kohë kur unë isha e vogël dhe kisha instinktin për të ngritur dy gishtat dhe Sali Berisha ishte shumë energjik”, tha Spiropali.
Në lidhje me protestën e opozitës dhe nëse ndjehet e kërcënuar mazhoranca, deputetja e PS u shpreh se: “Kur protesta është pa qëllim dhe pa kuptim nuk ndihesh i kërcënuar. Ne do donim të kishim një opozitë më prodhimtare”.
