Analisti Fatos Lubonja tha sot së vrasje e Oliver Ivanoviç favorizon më tepër serbët. I ftuar në rubrikën “Opinion” në News 24, Lubonja tha se në situatën e deritanishme të raporteve Serbi Kosovë kjo vrasje favorizon serbët. Gjithashtu, Lubonja hodhi dhe hipotezën se kjo vrasje mund të jetë e orkestruar nga krerët e lartë të politikës së Kosovës në situatën e Gjykatës Speciale. Analisti shtoi se kjo mund të jetë një përgjigje e politikanëve të akuzuar për krime duke u thënë SHBA-ve dhe BE-së se nuk mund të futen në burg kaq thjeshtë.
“Ngjarje e rëndë në nivel Ballkanik. Nuk mund të rijmë pa ngritur hipoteza. Raportet Serbi Kosovë është një vrasje që favorizon serbët. Nqs hidhet hipoteza apo provohet se vrasja është bërë nga shqiptarët, penalizohen shqiptarët. Të shkon në mëndje se në këtë kohë jemi në situatë krize në Kosovë. Jemi në situatën e Gjykatës Speciale, ku krerët e politikës në Kosove akuzohen për krime lufte. Politikanët e akuzuar për krime mendojnë se nuk mund të hyjnë në burg kaq kolli, madje mund të jetë një sinjal ndaj BE-së dhe SHBA-ve duke u thënë se e çojnë Kosovën në destabilitet. Ndoshta kjo vrasje është shenjë se destabilizohet Ballkani,” deklaroi Lubonja.
Analisti uroi që kjo vrasje të mos jetë realizuar nga shqiptarët se në të gjitha rastet do ishin shqiptarët ata që do të humbnin.
“Serbia është më e favorizuar për të hyrë në Evropë. Kjo ngjarje mund të konsiderohët një ngjarje fatkeqe për shqiptarët. Të shpresojmë që kjo vrasje të mos jetë kryer nga shqiptarët. Nqs se janë shqiptarë nuk mund të vendosim gisht se kjo vjen nga lart, sepse mund të këtë dhe grupe ekstremiste nga poshtë,” tha Lubonja.
