Diplomati amerikan, i konsideruar si miku i madh i shqiptarëve, William Walker ka treguar të vërtetën në lidhje me qarkullimin e lajmeve, të cilat nënvizonin se ai ka refuzuar të dekorohet nga Presidenti Thaçi.
Walker ka sqaruar në “Info Magazine” të Klan Kosovës se si ka qenë puna. Duke folur për “Info Magazine” në Klan Kosova ai ka deklaruar se në këtë momente për shkak të të disas rrethanave, nuk do të pranoja të marrë dekoratë duke theksuar se ka dallime të mëdha me presidentin Thaçit.
“Nuk është që kam refuzuar, por më është kërkuar nëse do të pranoja dhe për disa arsye kam thënë jo, për momentin jo, nuk jam i gatshëm të pranojë një dekorim nga Thaçi. Kemi dallime unë dhe ai”-ka theksuar William Walker.
Sipas Walkerit, vetë komuniteti ndërkombëtarë ka bërë shumë gabime duke shtuar se kushtetetua nuk është e shkruar mirë, ndërsa shtoi se ajo duhet të ndryshohet.
Diplomati amerikan ka thënë se edhe Thaçi i ka dëgjuar shumë, duke ritheksuar se nuk ka deklaruar përfundimisht s’e nuk do pranonte dekoratë nga Thaçi, por kjo nuk do të ndodhë për momentin
“Komuniteti ndërkombëtarë sipas mendimit tim ka bërë shumë gabime këtu dhe ai e ka dëgjuar shumë. Për shembull kushtetua nuk është e shkruar mirë, mendoj që duhet të ndryshohet. Pra, nuk e kam refuzuar medaljen, por jam pyetur nëse do ta pranoja dhe kam thënë se për momentin jo”-theksoi ai.
