Në një intervistë për RTS, presidenti Aleksandar Vuçiç, komentoi rrethanat diplomatike me të cilat po përballet Serbia.
Ndërsa duke folur për për dialogun e brendshëm për Kosovën, ai tha se donte që problemi me Prishtinën të zgjidhej, por ishte i vetëdijshëm se “shanset ishin të vogla”, shkruan Tirana Today.
I pyetur nëse mund të kishte një zgjidhje të mundur “brenda kornizës së Kushtetutës serbe”, presidenti serb tha se “kishte frikë se kjo zgjidhje nuk ishte e mundur”.
“Bëhet pyetja nëse kemi fuqinë të flasim të vërtetën para vetes dhe të mbrojmë atë që kemi, por të mos themi se gjithçka në botë na përket neve. Kam frikë se a do të kemi fuqi të mjaftueshme për të bërë këtë”, tha Vuçiç.
Ndërsa më tej, ai ka komentuar deklarata e patriarkut serb Irinej, të cilin e lavdëroi pas deklaratës, dhe tha se i ishte “mirënjohës dhe pothuajse qau” nga fjalët e patriarkut.
Vuçiç tha për RTS se ky ishte rasti ku ai “mendon se ka bërë shumë për Kishën, në krahinën jugore serbe (Kosovë),” ndërsa “numri i serbëve në Kosovë nuk është reduktuar në katër vitet e fundit , dhe nuk ka pasur vrasje të motivuara etnikisht.” TIRANA TODAY
