Të tjera detaje dalin nga ngjarje e rëndë që ka tronditur sot qytetin e Shkodrës. Detaje të reja bëjnë të ditur se është rritur numri i të plagosurve nga shpërthimi i eksplozivit në lagjen “Rus”.
Kështu, bëhet fjalë për 6 të plagosur, disa prej të cilëve janë në gjendje më të rëndë. Ata ndodhen në spitalin e qytetit ku po marrin mjekim. Sipas burimeve të ABC News, e plagosur ka mbetur edhe një grua nga Mali i Zi.
Ndërkohë, është identifikuar njëri prej të lënduarve. Ai është Lulzim Kulla, sipas portalit lokal “Shkodra News”.
Lënda eksplozive ishte vendosur në një motorçikletë të parkuar aty pranë. Nga shpërthimi i fuqishëm u dëmtua edhe një fuoristradë dhe ambientet e një biznesi që ndodhej në katin e parë të ndërtesës. Deri tani nuk dihet kush ka qenë objektiv i atentatit me tritol. Policia është duke hetuar për të zbardhur ngjarjen.
