Një gomone me dy motorë dhe dy persona në bord është vënë në ndjekje në det të hapur nga Forcat Detare dhe Guardia di Finanza. Sipas të dhënave të para, raportohet se gomonia është ngarkuar me lëndë narkotike dhe si destinacion mendohet të jenë brigjet e vendit fqinj në Itali.
Gomonia është nisur nga gadishulli i Karaburunit, ndërsa më të dalë në det ajo është vënë re nga policia shqiptare, e cila menjëherë ka raportuar tek Guardia di Finanza. Sakaq, gomonia e gjatë rreth 3 metra thuhet se ka kaluar ujërat territoriale të Shqipërisë dhe është futur në ato italiane. Policia ka sekuestruar një sasi droge prej 28 kg, e cila ishte e ndarë në 5 pako.
Autoritetet janë në ndjekje prej afro 25 minutash, por ende nuk kanë mundur të kapin personat dhe gomonen, e cila raportohet të ketë qenë e mbushur me lëndë narkotike.
Njoftimi i policisë së Vlorës
Delta Forcë, Policia Kufitare dhe D.V.P.Vlorë gjatë kontrollit nga deti dhe toka në zonën e Karaburunit nisur nga informacionet e marra në rrugë operative se mund të ishte fshehur lëndë narkotike me qëllim trafikimi, rreth orës 13.50, kanë konstatuar një mjet lundrues që lëviste me shpejtësi në drejtim të
Mezo-kanalit, Sazan.
Menjëherë në ndjekie të mjetit lundrues janë vënë 3 mjete lundruese të Policisë Kufitare dhe të Delta Forcë.Eshtë kërkuar ndihma e anijës “Oriku” dhe e Helikopterit të FA-sëGjithashtu është njoftuar GdF Durrës e Vlorë si dhe homologët Italianë.Menjëherë është ngritur në fluturim një helikopter “COUGAR” i FA-së, i cili ka ndjekur në ujrat neutrale për rreth 1 orë gomonen që lëviste me shpejtësi duke bërë manovra në det me qëllim ti shmangej ndjekies së helikopterit.
Nga deti vijonte ndjekja nga anija “Oriku” dhe tre mjete lundrues të Policisë Kufitare dhe Delta Forcë.Në veprim është futur menjëherë edhe GdF-ja në Shqipëri e Itali.
Deri tani nuk është bërë e mundur kapja e gomones, pasi dyshohet se është fshehur në ndonje gji bregdetar, në ujrat territoriale midis Malit të Zi dhe Kroacisë, por vijon kërkimi nga ajri nga GdF.Gjithashtu është vënë në ndjekje edhe Policia malazeze.Nga pamjet filmike të realizuara nga helikopteri i FA në bordin e gomones dallohen tre persona dhe disa bidona plastikë, ndërsa pjesa tjetër e bordit ishte bosh.Dyshohet se gomonia do merrte lëndën narkotike në Sazan me qëllim trafikimin në drejtim të Italisë.
Nga krehja e zonës në gadishullin e Karaburunit, në vendin e quajtur “Bristan”, midis shkëmbinjve, Policia ka gjetur dhe sekuestruar në cilësinë e provës materiale 28 kilogramë lëndë narkotike të ndarë në 5 pako.Policia Kufitare, Delta Forcë dhe Drejtoria Vendore e Policisë Vlorë po vijojnë kontrollet në zonë.
