E para e LSI-së, Monika Kryemadhi duke iu përgjigjur pyetjes për darkën e Lalëzit, ajo theksoi se iku koha e drekave dhe darkave dhe këto duhet të behën përmes marrëveshjeve institucionale, ndërsa shtoi se është kohë për një transparencë të plotë.
Në studion e Report TV, ajo komentoi në lidhje me deklaratën e Ramës, në një intervistë mbrëmjen e djeshme kur tha se nëse do zhvilloheshin zgjedhjet, ai do të fitonte 78 mandate.
“Meqë Edi Rama e ka kaq të sigurt se fiton 78 vota, atëherë le të japë dorëheqjen dhe të shkojmë në zgjedhje dhe të shohim se kush i fiton zgjedhjet. Mos dalë më mirë Erion Veliaj se Rama?-theksoi Kryemadhi.
Ajo tha se Edi Rama dhe Erion Veliaj, janë mësuar me tolerancën e Ilir Metës, ndërsa shtoi se darka në Gjirin e Lalëzit ishte një gabim.
“Në lidhje me marrëveshjen që ka firmosur me Ramën, Meta ia tregoi Petrit Vasilit dhe deputetëve të tjerë, ndërsa mua nuk më ka treguar asgjë”-tha Kryemadhi.
