Një bankë e nivelit të dytë ka rënë pre e maskave pak çaste më parë në qytetin e Laçit. Ngjarja ka ndodhur pak minuta më parë, ndërsa policia ka mbërritur menjëherë në vendngjarje dhe ka nisur hetimet.
Sakaq, ende nuk dihet shuma e vjedhur, ndërsa vijon aksioni policor për identifikimin dhe kapjen e personave që vodhën bankën. Nuk raportohet për të lënduar në mometin e grabitjes.
Njoftimi i policisë së Laçit
Më datë 29.12.2017, rreth orës 16:36, në Sallën Operative të Komisariatit të Policisë Laç ka rënë alarmi i nje Banke te Nivelit të Dytë, dega Laç. Menjëherë shërbimet e Policisë kanë shkuar tek Banka, ku kanë konstatuar se:
Persona akoma të paidentifikuar nën kërcënimin e armës dhe të maskuar, pasi kanë thyer xhamin e njësisë së Bankës, kanë marrë një sasi parash të cilat ishin në përpunim nga punonjësit e bankës dhe janë larguar me një automjet. Paraprakisht mesohet se nuk ka persona të lënduar.
Janë organizuar dhe ngritur pika të shumta kontrolli, vijon krehja e zonës për kapjen dhe arrestimin e autorëve. Grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes.
