Të paktën 14 njerëz vdiqën, pas një shpërthimi të madh që ndodhi në një restorant të njohur në Mumbai, në Indi mëngjesin e sotëm.
Shumë nga viktimat ishin gra të reja që po festonin një ditëlindje në çati kur shpërtheu zjarri. Mjekët thanë se viktimat ndërruan jetë nga asfiksia, teksa u përpoqën të iknin nga ndërtesa e djegur.
Mediat vendase njoftuan se një tavan kishte rënë në ndërtesën katërkatëshe, duke i zënë njerëzit brenda, ndërsa përpiqeshin të shpëtonin. Policia tha se po hetohet për të gjetur shkaqet e zjarrit.
Njëmbëdhjetë nga viktimat ishin femra që po festonin ditëlindjen, sipas autoriteteve. Një grua që ishte në ndërtesë në atë kohë përshkroi skenat e dëshpëruara, ndërsa njerëzit u përpoqën të shpëtonin.
“Kishte një rrëmujë të madhe dhe dikush më shtyu,” tha Sulbha Arora në Twitter. “Njerëzit po më vraponin sipër meje, pasi edhe tavani nisi të rrënohej nga flakët, por ende nuk e di se si dola jashtë gjallë.”
Zjarret e rastësishme janë të zakonshme në të gjithë Indinë për shkak të standardeve të dobëta të sigurisë. TIRANA TODAY
