Kryeministri, Edi Rama dhe presidenti i Republikës, Ilir Meta janë sonte të ftuar në dy nga emisionet më të ndjekura politike në vend.
Presidenti Meta është i ftuar në emisionin “Opinin” të Blendi Fevziut. Por bashkë më Metën do të jetë edhe presidenti i Kosovës, Hashim Thaçi. Me sa duket gazetari Fevziu kërkon bilancet e vitit nga krerët e dy shteteve Shqiptare.
Ndërkohë, kryeministri Edi Rama është i ftuar në emisionin “Top Story”. Ndoshta kjo do të jetë hera e fundit që i zoti i shtëpisë, Sokol Balla pret kryeministrin Rama në emisionin e tij. Në media flitet që “për Ballën janë ditët e fundit në atë televizion, më par u fol se do të shkonte në Vizion Plus, por tani thuhet se do të shkojë në TVSH“.
Debatet që do të transmetohen sonte live janë interesante sepse të gjithë presin që dy drejtuesit e Shqipërisë të flasin për bilancet e vitit 2017.
Në fakt i gjithë viti ka qenë me zhvillime interesante. Faktorët që ndanë dy aleatët në qeverisje ishte disa; E para ambicia e Ramës për të qeverisur i vetëm. E dyta pakënaqësia e Metës me Ramën duke parë se në koalicion me Berishën kishte me shumë pushtet. E treta loja e Partisë Demokratike që u fut në çadër dhe bëri konfuz si LSI-në dhe PS-në.
Rama filloi lojën politike që kur Basha ishte në çadër. Ai vendosi që të largonte Metën nga drejtimi i LSI-së. Pas disa darkave mes tyre. Rama i bën presion në parlament që LSI të propozojë dy emra për president. Më 28 Prill 2017 Meta u zgjodh President i Republikës së Shqipërisë me 87 vota pro. Meta tha se vendosi të bëhej president për hir të unitetit politik në vend për të mos e çuar vendin drejt destabilizimit.
Ndërkohe Basha vijonte protestat në çadër dhe thoshte se nuk do merrte pjesë në zgjedhje. Rama thoshte po nuk mori pjesë PD futem i vetëm në zgjedhje.
Kur të gjithë mendonin se LSI do të bashkohej me Bashën para zgjedhjeve, Rama lëviz mirë politikisht. Rama dhe Basha arrijnë marrëveshje në mesnatën e 17 majit që të futen në zgjedhje, kur kishte skaduar dhe afati për të bërë koalicione dhe PS e LSI ishin futur të dyja vetëm në zgjedhjet e 25 qershorit.
Rama në fushatë u përqendrua te qeverisja i vetëm duke kërkuar “timonin” dhe “tepsinë”. Rama luftën më të madhe në fushatë e bëri ndaj LSI-së sesa ndaj PD-së duke thënë “kam bërë marrëveshje me Bashën votoni PS-në se do të keni dhe PD-në brenda.”
Ndërkohë presidenti i zgjedhur në atë kohë, Meta mori pjesë në fushatë. Këtë herë u duk se Meta ishte kundër të dyve. Ai i cilësoi të dy si Ramën dhe Bashën të paaftë për të qeverisur.
Arritjet e të dyve për 2017-tën
Rama; s)Mori mandatin e dytë qeverisës. b)Qeveris i vetëm duke marrë timonin me tepsinë. Negative; çështja “Tahiri” dhe trafiku i drogës
Meta; a)Bëhet President i Republikës. b) Partia që ai krijoj rriti numrin e deputetëve. Negative; mospjesëmarrja në qeveri. TIRANA TODAY
