Kryetari i Lidhjes Demokratike të Kosovës, Isa Mustafa, gjatë një interviste në Radio Televizionin e Kosovës ka kritikuar ashpër kryeministrin Ramush Haradinaj në lidhje me demarkacionin për shënjimin e vijës kufitare me Malin e Zi
Ai tha se qeverisja Haradinaj nuk do ta zgjidhë çështjen e demkarkacionit dhe liberalizimin e vizave, ndërsa shtoi se viti i ardhshëm do të jetë vit i zgjedhjeve, pasi në pikëpamjen e tij, kjo qeveri ka marrë rrugën e rënies.
“Është sjellje jo serioze e kryeministrit Ramush Haradinaj. Është një lojë aspak serioze e kryeministrit Haradinaj. Ligjet dërgohen në Kuvend për t’u miratuar dhe jo për t’u rrëzuar. Prandaj është sjellje jo serioze e një kryeministri. Nuk është kufiri aty ku thotë kryeministri dhe kjo është një tentativë jo serioze”-shprehet Mustafa
Ai nënvizoi se as Komisioni i Bulliqit, dhe as Komisioni paraprak nuk ka arritur të dëshmojë edhe një metër katror që mund të ketë humbur Kosova. Në pikëpamjen e tij, qeverisja e Haradinaj po i numëron muajt e qeverisjes, ndërsa la të kuptohet se kjo qeveri tashmë ka marrë rrugën e rënies. Mustafa shkoi më tej duke deklaruar se edhe nëse nuk shkon sipas parashikimit, do jetë LDK-ja, e cila do të ngrejë mocionin për rrezimin e saj.
Kryetari i LDK-së, Isa Mustafa ka kritikuar qeverinë e udhëhequr nga Ramush Haradinaj. Në 100 ditëshin e kësaj qeverie, Mustafa thotë se propaganda është mjeti më i suksesshmë der tani.Mustafa bëri një paralelizëm duke krahasuar qeverinë e Ramush Haradinajt me partinë e Vetëvendosjes.
“Kemi folë shumë për Vetëvendosjen edhe kemi thënë se ata e kanë arrit kulmin e propagandës edhe askush me këta s’mund të garojë me propagandë. Unë mendoj se edhe qeveria e Haradinajt nëse ka arritur diçka, kjo është propaganda”-tha Mustafa.
