Kreu i Kuvendit të Shqipërisë, Gramoz Ruçi ka komentuar marrjen e shtetësisë shqiptare të Anastas Janullatos.
Teksa vendimin e mori presidenti Ilir Meta, Ruçi ka treguar se është pro këtij vendimi.
Jashtë ambienteve të Kishës Ortodoksë, Ruçi tha se Janullatos ka sot dy gëzime: Krishtlindjet dhe marrjen e nënshtetësisë.
“Jam këtu për ta uruar hirësinë, për Krishtlindjet dhe ta gëzojë shtetësinë shqiptare!”, tha Ruçi.
Po ashtu, edhe kryetarja e LSI-së ka mbështetur vendimin e Metës për t’i dhënë shtetësinë Janullatosit, ndërsa është shprehur se “ai e do Shqipërinë më shumë se disa politikanë”.
“Sigurisht që jam dakord. Është një nga vendimet më të vonuara që bën politika shqiptare. Janullatos e do më shumë Shqipërinë sesa e kanë dashur disa politikanë shqiptare”, tha Kryemadhi.
