Ministrja e Shëndetësisë dhe Mbrojtjes Sociale ka shpalosur standardet konkrete për çdo institucion shëndetësor në vend. Të gjitha do të kalojnë në sitën e kontrollit për t’u akredituar dhe pajisur me licencim gjatë vitit të ardhshëm.
Gjatë takimit me drejtues dhe mjekë të spitaleve publike dhe private, por edhe ekspertë të fushës, ministrja Ogerta Manastirliu ka thënë se gjatë vitit të ardhshëm, spitalet dhe të gjitha qendrat shëndetësore do të çertifikohen mbi kruteret e cilësisë, ndërsa qendrat private të cilat janë jashtë standardeve të kërkuara do të pezullohen ose do të mbyllen.
“Çdo shërbim që aksesoret nga qytetarët dhe ofrohet për pacientët kudo në sistemin publik dhe privat, do kërkohet të plotësojë standardet dhe të akreditohet. Gjatë vitit 2018 do të rendisim sipas niveleve të akreditimit të gjitha institucionet e kujdesit shëndetësor, që nga qendrat shëndetësore e deri të spitalet universitare për plotësimin e standardeve bazë në shërbimin publik. Sa i takon strukturave shëndetësore jopublike, të cilat nuk i plotësojnë standardet, bazuar në ligjin e kujdesit spitalor, aktiviteti i tyre do të pezullohet e më pas, do të mbyllet nëse nuk arrijnë të plotësojnë kriteret”-theksoi ajo.
Procesi i akreditimit do të kalojë në dy faza. Në fazën e parë do të bëhet vlerësimi i institucioneve shëndetësore për plotësimin e standardeve bazë , ndërsa më pas do të kryhet vlerësimi i standardeve optimale në të gjitha institucionet që i kanë plotësuar të gjitha kriteret në fazën e parë mbikëqyrëse.
Standardet në mumër do të jenë 258 bazë, që do të duhet të plotësojë çdo strukturë universitare për t’u konsideruar e tillë, ndërsa 233 standarde optimale për të garantuar cilësinë maksimale për të dhënë shërbime efikase dhe me cilësi të lartë. Gjithashtu dyhet të plotësohen 186 standarde bazë spitalore dhe 294 standarde optimale, ndërsa sa i takon kujdesit parësor janë parashikuar 33 standarde bazë dhe 58 standarde optimale për ofrimin e shërbimit cilësor për pacientët.
Në Shqipëri janë 54 spitale publike dhe jopublike, 415 QSH publike, rreth 1900 pika ambulatore, 122 klinika private, 408 laboratorë private, 1416 klinika stomatologjike dhe rreth 1300 farmaci. Nga këto janë vetëm 5 spitale të akredituara publike dhe jopublike si dhe 1 qendër shëndetësore e akredituar. Ndërkohë janë në proces akreditimi 48 qendra shëndetësore dhe 11 klinika private. Pas kësaj procedure, do të listohen të gjithë spitalet sipas shkallës më të mirë dhe kushteve që ata ofrojnë për pacientët e tyre. TIRANA TODAY
