Deputeti i Partisë Demokratike, Enkelejd Alibeaj tha se se kryeministri Edi Rama për t’u mbrojtur. I ftuar në emisionin “Opinion” Alibeaj tha se Ramës i duhej të rrëmbente prokurorin e vet, pasi Saimir Tahiri, Qazim Sejdini, Vangjush Dako, Habilajt, Balilajt dhe 127 drejtues të lartë të policisë janë të pandehur.
Gjithashtu, Alibej ka sqaruar tre kompetencat e Prokurorit të Përgjithshëm të përkohshëm derisa të krijohet KLP-ja, të cilat janë; e drejta për të pezulluar prokurorët, e drejta për të bërë vettingun, si dhe vlerësimi i aftësive personale.
Sipas tij, për t’i shpëtuar kësaj gjëje zgjidhja më e thjeshtë është kapja e hetuesit.
Gazetari Blendi Fevziu e pyet Si e kap? Është Prokuroria për Krimet e Rënda dhe jo Prokuroria e Përgjithshme që po heton?
“Jo! Sepse sa kohë në këtë periudhën e ndërmjetme, e cila është mjegull dhe ju e dini se ujku mjegull do. Në këtë mjegull që do vazhdojë deri sa KLP-ja të ngrihet për çështje muajsh, kryeprokurori i përkohshëm, ka tre kompetenca të thjeshta”, tha Alibeaj.
