Kur po afrojnë edhe zgjedhjet për kreun e Federatës Shqiptare të futbollit, reagimet për të mos u përfshirë politika sa vijnë e shtohen. Kjo për faktin se një kandidat i mundshëm që mund të rivalizojë Armando Dukën, në këto zgjedhje është Bashkim Fino. Këtë herë ka reaguar sekretari i përgjithshëm i FSHF-së, Ilir Shulku, i cili është shprehur kundër përfshirjes së politikës në këto zgjedhje.
Deklaratën Shulku e ka bere gjate emisionit e “Rubrika Sportive” në RTSH, ku ka folur mes te tjerash, edhe për këtë çështje, jo pak te debatuar. “Armand Duka nuk ka vendosur nëse do të kandidojë sërish në zgjedhjet e radhës për presidenti të FSHF-së. Unë nuk do të kandidoj, kjo është e sigurt”– ka thënë ai.
Pyetur për Bashkim Finon si kandidat për president të FSHF-së, ai u përgjigj: “Politika nuk duhet bërë pjesë e sportit. Nuk është korrekte që një politikan të hyjë në sport. Nuk ka gjë të keqe që Bashkim Fino të kandidojë, por siç e thashë, politika nuk duhet të hyjë në sport. Politika prish punë në sport”.
