Me kalimin e viteve, në fytyrë ndodhin ndryshime të cilat janë normale për moshën, por mund të jenë edhe shenjë e një gjendjeje mjekësore të rëndë.
Prandaj, bëni mirë që të mos i injoroni disa simptoma, si rrathët e zinj postë syve, shfaqja e akneve dhe puçrrave në fytyrë, vetullat e holla apo njollat e kuqe në fytyrë.
Por, çfarë paralajmëron secila prej këtyre simptomave:
Vetullat e holla – probleme me tiroidet
Një arsye përse mund t’ju hollohen vetullat mund të jetë edhe hipotiroidizmi, kur nuk prodhohet mjaftueshëm hormon tiroid, që është esencial për rritjen dhe zhvillimin e shëndetshëm.
Megjithatë, duhet të vëzhgoni edhe simptomat e tjera. Për shembull, njerëzit që vuajnë nga hipotiroidizmi ndihen të plogësht, të lodhur dhe ndiejnë të ftohtë gjatë gjithë kohës. Lëkura është shumë e thatë, dhe mund të vuajnë nga kapsllëku, raporton Shëndeti.
Nëse i keni të gjitha këto simptoma, duhet të bëni një test gjaku për të përcaktuar nëse keni hipotiroidizëm.
Qimet e shumta në fytyrë dhe aknet – sindroma e vezores policistike
Qimet e shumta në fytyrë mund të jenë për shkak të gjenetikës. Ndërsa aknet dhe puçrrat janë më të shpeshta tek adoleshentët ose kur vuani nga stresi.
Këto simptoma mund të shkaktohen edhe nga një çrregullim hormonal. Sindroma e vezores policistike mund të çojë në rritje të niveleve të testosteronit. Nëse keni disa qime të holla, mos u shqetësoni. Por, nëse ju rriten qime në mjekër, baseta ose pjesë të tjera ku nuk e prisnit, duhet të bëni një vizitë mjekësore. Një gjendje e tillë quhet hirsutism, dhe është simptoma e tretë e sindromës e vezores policistike. Është një gjendje e zakonshme prek 1 në 5 gra.
Sindroma e vezores policistike lidhet me një rrezik më të lartë për zhvillimin e diabetit 2 dhe niveleve të kolesterolit.
Njollat e kuqe në fytyrë – lupus
Këto njolla mund të shkaktohen nga stresi, alkooli ose ushqimet pikante. Për gratë në moshë mund të jetë edhe pjesë e menopauzës, kur nuk iu vjen më cikli menstrual, zakonisht rreth 45-55 vjeç.
Një tjetër shkak shumë pak i njohur është edhe lupusi, një gjendje komplekse dhe shumë pak e kuptueshme që prek disa pjesë të trupit. Simptomat mund të variojnë nga të lehta deri në rrezikuese për jetën. Simptoma të tjera janë edhe artriti, dhimbja e kyçeve, muskujve, letargjia etj.
Rrathët e zinj poshtë syve – për një çrregullim autoimunitar
Pagjumësia mendohet të jetë përgjegjëse për rrathët e zinj poshtë syve, ashtu siç mund të ketë edhe shkaqe të tjera. Nëse keni edhe njolla të kyçe përreth syve, mund të jenë shenjë edhe e dermatomiozitit. Është një çrregullim autoimunitar që shkakton dobësim dhe dhimbje të muskujve.
