Komisioni i Disiplinës ka vendosur të mos marrë një vendim sa i përket dhunës që u ushtrua në Përmet ndaj arbitrit të ndeshjes nga lojtarët e Këlcyrës. Ata kanë vendosur që ky vendim të shtyhet për në datë 14 në orën 09:30 të paradites, pasi do tu jepet mundësi të dyja palëve të sqarojnë situatën e shëmtuar që u pa atje.
Në Përmet kur ishte minuta e 75’, arbitri i ndeshjes Alvi Paço akordon penallti për vendasit pas një prekje me dorë në zonë. Ndërsa këtë fakt nuk e kanë duruar lojtarët e Këlcyrës dhe në debat e sipër me arbitrin, situata ka degjeneruar në dhunë ku viktima ka qenë pikërisht arbitri Paço.
Vendimi i Komisionit të Disiplinës:
Lidhur me çështjen e ndeshjes midis KF “Përmeti” dhe KF “Këlcyra”,sipas kërkesës së KF“Këlcyra”, Komisioni i Disiplinës vendosi të shtyjë seancën për datë 14.12.2017, ora 09.30, për të dëgjuar pretendimet e palëve.
