Presidenti turk Rexhep Tajip Erdogan u ka bërë thirrje udhëheqësve të kombeve muslimane që ta njohin Jeruzalemin si “kryeqytetin e pushtuar të shtetit palestinez”.
Këtë deklaratë, Erdogan e bëri teksa mori pjesë në samitin e jashtëzakonshëm të Organizatës së Bashkëpunimit Islamik (OIC) në Stamboll, ku tha se vendimi i SHBA-së për të njohur Jerusalemin si kryeqytetin e Izraelit ishte i pavlefshëm.
Erdogan e akuzoi përsëri Izraelin se ishte një “shtet i terrorit”.
Lideri palestinez Mahmud Abbas tha se SHBA-ja “u vet-skualifikua nga kontributi i saj në procesin e paqes”.
“Ne nuk do të pranojmë asnjë rol të SHBA-ve në procesin e paqes, ata kanë dëshmuar paragjykimin e tyre të plotë në favor të Izraelit”, tha ai në samit.
Statusi i Jerusalemit shkon në zemrën e konfliktit të Izraelit me palestinezët.
Qyteti është shtëpia e vendeve kryesore fetare të shenjta për judaizmin, islamin dhe krishterimin, veçanërisht në Jerusalemin Lindor.
Izraeli pushtoi sektorin e pushtuar më parë nga Jordania në luftën e vitit 1967 në Lindjen e Mesme dhe e konsideronte tërë qytetin si kryeqytetin e saj të pandashëm.
Palestinezët pretendojnë se Jeruzalemi Lindor është kryeqyteti i një shteti të ardhshëm dhe statusi i tij përfundimtar duhet të diskutohet në fazat e fundit të bisedimeve të paqes.
Sovraniteti izraelit mbi Jeruzalemin nuk është njohur ndërkombëtarisht dhe të gjitha vendet aktualisht mbajnë ambasadat e tyre në Tel Aviv. Megjithatë, Presidenti Donald Trump ka njoftuar se SHBA do të lëvizë përfundimisht ambasadën e saj. TIRANA TODAY
