Sot është zhvilluar seanca gjyqësore për çështjen Shullazi në gjykatën e Krimeve të Rënda.
Biznesmeni Ylvi Beqja është ballafaquar me noteren Aida Spahiu, por edhe me truprojën dhe ish-shoferin Besnik Musain.
Mësohet se gjatë ballafaqimit, noterja ka pohuar se u qëndronte deri në fund deklarimeve të saj para së cilës është firmosur kontrata e dhurimit të 30% të hotel “Vollgës”, nga biznesmeni Ylvi Beqja. Ajo tha se kontrata ishte bërë me vullnet me plotë:
“I qëndroj deklarimeve të mia. Kontrata u bë me vullnet me plotë. Kontrata u nënshkrua pa kërcënime”.
Nga ana tjetër, biznesmeni Ylvi Beqja mohoi këtë version të noteres, teksa shtoi se ajo po gënjen:
“Siguroj gjykatën se zonja Spahiu po gënjen. Kam prova të vërtetoj pretendimet e mia”, tha Beqja.
Dëshmitari i mbrojtur, Besnik Musai, ish-shofer i Beqajt tha se i qëndron deklarimeve se Ylvi Beqja u kërcënua.
Në sallë kanë nisur debatet, ndërsa avokati i Beqajt mësohet t’u ketë thënë prokurorëve: “Jeni në ditën tuaj të zisë’.
