Në 27-vjetorin e themelimit të Partisë Demokratike, kreu i saj, Lulzim Basha ka mbajtur fjalën përshendetëse për të parnishmit, ndërsa ka përcjellë mirënjohjet më të përzemërta për pionerët e parë të Partisë Demokratike. Basha tha se Partia Demokratike lindi nga lëvizja e studetëve të dhjetorit të vitit 1990, si alternativa që iu kishte munguar shqiptarëve dhe ëndrrave të tyre.
“Levizja e dhjetorit, pluralizmi politik, krijimi i PD jane permendorja me e bukur e demokracise se re shqiptare.Basha përcolli nderime të veçanta për themeluesit e PD-së, si Azem Hajdari, Gramoz Pashko, Pjetër Arbnori, Arben Broci, Ali Spahia, Sokol Olldashi,Ferdinand Pone, Selamin, Genc Rulin, Preç Zogajn, Besnik Mustafajn, Tritan Shehun, Genc Pollon, Aleksander Meksin“-tha ai.
Më fjalën e tij, Basha theksoi se PD ka qenë busulla perendimore dhe pro amerikanëve që nga themelimi i saj para 27 vitesh. Lideri historik i partisë Demokratike, Sali Berisha kishte nderime dhe falenderime të veçanta nga Lulzim Basha
“Nderimi dhe mirënjohja më e madhe do të jetë përherë për liderin e saj historik Sali Berishën, pa të cilin Partia Demokratike nuk do kishte shpirtin dhe forcën që ka patur përherë”-theksoi ai.
Pjesë nga fjala e Lulzim Bashës
Ky nuk eshte dhjetor si gjithe te tjeret, sepse vjen në vitin e krimit të madh zgjedhor të 25 qershorit, qe ishte nje regres i jashtëzakonshëm.Per PD ne 27 vjet ka patur edhe skenar eliminimi. Por Nga çdo vështirësi, nga çdo rrëzim, ajo është ngritur më e fortë. Pavarësisht sfidave, PD ka ditur, ka mundur dhe ia ka dalë të mbetet e madhe, ia ka dalë të riniset në Fillime të reja, sepse ka patur vetëdijen e forcës së bashkimit dhe ka ditur të bashkohet. Reflektimi, Vizioni, Bashkimi dhe Beteja na kanë mbajtur dhe na kanë vënë në krye. Kjo është historia.
Reflektimi, Vizioni, Bashkimi dhe Beteja do të na çojnë në fitore. Kjo është e sotmja, kjo është e nesërmja jonë e sigurt dhe e afërt! Dua që ky lajm të ushtojë fort në zemrën tuaj, të çdo demokrati, dhe të çdo qytetari shqiptar. Me përgjegjësi ndajë bindjen tonë se fundi i të keqes është më afër se kurrë dhe se një ardhme e re po troket për qytetarët tanë. Le të jetë kjo ditë e 27 vjetorit tonë, dita e një vendimi të madh në zemrën e çdo demokrati dhe demokrate për tu bashkuar, për të guxuar për të punuar si asnjeherë tjetër për këtë ditë të re.
