Shorti i Champions League ka vënë përballë gjigantët e Real Madrid, që janë kampionë në fuqi të këtij kompeticione, me skuadrën që ka bërë shpenzime marramendëse për të shijuar një sukses në këtë kompeticion madhështorë, PSG.
Braziliani, Neymar u transferua te PSG nga Barcelona në verë për “sfida të reja” dhe ai ka një shans të hershëm për të provuar vlerën e tij në Ligën e Kampionëve.
Kur Neymar e la Barcelonën për t’u bashkuar me Paris Saint-Germain në një shumë rekord prej 222 milionë eurosh, qëllimi ishte i qartë. Dhe transferimi do të jetë një sukses nëse braziliani do të mund të çojë francezët në finalen e Ligës e Kampionëve.
Neymar ndihmoi Barcelonën në përmbysjen më të madhe në histori, ku nga humbja 4-0 në Paris përballë PSG, në “Camp Nou” ndodhi ajo përmbysje e mrekullueshme 6-1.
Tani PSG ka Neymar në ekipin e tyre, por shorti në 16 më të mirat i rezervoi një ekip të vështirë si Real Madrid. Udhëheqësit e Ligue 1 do të kenë një provë të vërtetë, ose një finale të parakohshme, nga e cila do të vendosen ndoshta fatet e të dy ekipeve për kët sezon.
Me formën e dobët të Madridit në La Liga, Liga e Kampionëve duket si shansi më i mirë i “Los Blancos” për të pasur sukses në këtë vit futbollistik. Sidoqoftë, duket e vështirë që ekipi i Zinedine Zidane të fitojë trofeun çdo vit.
Pas dy fitoreve rresht në Ligën e Kampionëve, Real Madridi po shkon për një hat-trick të pashembullt në këtë kompeticion. Dhe pavarësisht nga forma e tyre e dobët, asnjë ekip nuk do të ketë dashur të përballet me Los Blancos në këtë fazë.
Për PSG dhe për Neymar, kjo është një përballje që ata duhet të fitojnë. Kur braziliani u transferua në “Parc des Princes” në verë, ai foli për “sfida të reja”. Por fitorja e Ligue 1 me golat e shënuar dhe performanca të mira nuk do të mjaftonte, ai duhet të fitojë Ligën e Kampionëve që të arrijë pritshmëritë.
Dëshira e madhe e Real Madrid për ta pasur në gjirin e tij yllin brazilian, nuk u bë e mundur në 2013-ën kur ai zgjodhi Barcelonën. As këtë verë kur zgjodhi të shkojë drejt Parisit për të pasur sukses personal dhe të fitojë “Topin e Artë”. Konkurrenca për këtë trofe është e vështirë pasi duhet të mposhtë Messin dhe Ronaldon që në 10 vitet e fundit kanë triumfuar në këtë çmim persona, portugezi fitoi të pestin ditën e enjte dhe më pas i shfaqi ato në “Santiago Bernabeu” të shtunën.
“Të ishte në Madrid do ta lehtësonte Neymar për ta fituar atë,” tha presidenti i Madridit Florentino Perez javën e kaluar. “Madridi është një klub që u jep lojtarëve të mëdhenj atë që kanë nevojë. Gjithkush ai e dinte se unë doja ta nënshkruaja atë.”
Perez mund të kthehet sërish tek Neymar gjatë viteve të ardhshme, por edhe Kylian Mbappe ishte në shënjestrën e Realit verën e kaluar dhe ai gjithashtu mund të jetë një objektiv për Los Blancos në të ardhmen.
Mundësia financiare e PSG do të thotë se ata nuk do të kenë nevojë të shesin, por Neymar në veçanti mund të kërkojë një tjetër sfidë nëse projekti parisian bie në Ligën e Kampionëve. Sa i përket këtij trofeu varet shumë nga 25-vjçari, për të cilin PSG pagoi 222 milionë euro dhe e konsideron si lojtarin më të mirë në botë. Tani ai duhet të provojë se është në lartësi duke mposhtur Ronaldon dhe Realin. Çdo gjë tjetër do të konsiderohet një dështim. TIRANA TODAY
