Kryeministri i Greqisë, Bullgarisë e Rumanisë janë pritur në një takim nga presidenti serb Aleksandër Vuçiç, me qëllim rritjen e shkëmbimeve tregtare mes këtyre vendeve.
Sipas liderëve të dy vendeve, Serbia ka qenë gjithmonë pjesë e Evropës dhe do ta ndihmojnë në integrim.
“Serbia është në rrugën e saj drejt BE-së. Këtë ia them edhe Vladimir Putin në Rusi dhe të gjithëve. Por, Serbia dëshiron të jetë neutrale ushtarakisht duke ndërtuar një ushtri të fuqishme, por pa qëllime për të sulmuar askënd. Serbia ka qenë e sulmuar në vitin 1999 dhe është në situatë tjetër edhe për shkak të pasojave të rënda politike të vitit 2008. Serbisë disa i mbajnë leksione, por ne nuk harrojmë si ndikuan ta marrin një pjesë tonën”, tha presidenti serb, Aleksandër Vuçiç.
Ndërkohë, Bullgaria e konsideron kryesimin e BE-së një “presidencë për Ballkanin dhe rast për vendet e tij”.
Për sa i përket vendeve jashtë këtij takimi, kryeministri grek, Alexis Tsipras, tha se për Shkupin mund të ketë zgjidhje vitin e ardhshëm nëse qeveria atje është e gatshme.
“Ne besojmë se BE do të duhej ta përmirësojë së shpejti gabimin e madh që ka rrënjë në atë se si Evropa është sjellë ndaj Ballkanit deri tani. Ballkani ka qenë një zonë e rrezikshme. Serbia nuk mund të jetë më jashtë familjes evropiane”, tha Tsipras.
Katër liderët thanë se Ballkani alternativë të vetme megjithatë ka Bashkimin Evropian.
