Ati i Shenjtë i Vatikanit, Papa Françesku është solidarizuar me përmbytjet që kaloi vendi ynë ditë më parë, por edhe situatën e katastrofave në Indi ku mbetën shumë të vdekur dhe qindra të zhdukur nga vërshimi i ujërave.
Situatë përmbytjesh nuk po kalon vetëm Shqipëria, por “kapriçot” e motit nuk kanë kursyer edhe vende të tjera. Përmbytjet kanë prekur dhe popullsinë indiane duke shkaktuar 39 të vdekur dhe 167 të zhdukur.
“Dëshiroj të shpreh afërsinë time me popullsinë indiane të prekur nga cikli Okhi, sidomos për familjet e shumë peshkatarëve të shpërndarë dhe gjithashtu për popullatën e Shqipërisë, të dëmtuar rëndë nga përmbytjet”-shprehet Papa.
Në Indi, bilanci i përkohshëm i katastrofës, të cilit i referohej Ati i Shenjtë, është të paktën 39 të vdekur dhe 167 të zhdukur. Zonat e prekura janë shtetet e Tamil Nadu dhe Kerala, në pjesën jugore. Ministria indiane e Brendshme tha se shpëtuesit kanë shpëtuar gjithsej 556 peshkatarë në det gjatë përfshirjes së tajonik nga erëra dhe ciklonet.
Mësohet se 809 peshkatarë rrezikuan të zhdukeshin me anijet e tyre, por arritën të dalin në brigjet e Maharashtrës, ku më pas u ndihmuan me rroba dhe ushqim.Në Shqipëri, një valë e dhunshme e motit të keq ka goditur zonat qendrore të vendit. Situata është përkeqësuar gjithnjë e më shumë në ditët e fundit. Dëmi më i madh ka qenë për Marikajn dhe Laknasin, në periferi të Tiranës, ku një person fatkeqësisht ka humbur jetën .
Reshjet e shiut kanë përmbytur edhe qytetin bregdetar të Durrësit dhe Bardhaj në qytetin e Shkodrës, ku lumi i Kirit ka rrezikuar jo pak banesa dhe sipërfaqe tokash.
“Probleme ka patur edhe në furnizminin me energji elektrike ku më shumë se 70 mijë abonentë mbetën pa energji elektrike për disa orë. Autoritetet shqiptare kanë kërkuar ndihmë nga bashkësia ndërkombëtare për të përballuar emergjencat.”shkruan Radio Vatikan/TIRANA TODAY
