Kreut i Grupit Parlamentar të PS-së, Taulant Balla ka lëshuar një sërë akuzash në drejtim të ish-kryeministri Sali Berisha. Sipas tij, ish-kryeministri është përfshirë në një aferë korruptive, duke përfituar 122.5 milionë dollarë. Balla për akuzën e tij i është referuar një investigimi të bërë nga në televizioni amerikan “Bloomberg”.
Në deklaratën e tij ai është shprehur se: “rrjeti më i madh i financave në botë dhe më pas media të tjera amerikane konfirmuan një skandal të madh korrupsioni, të cilin ne e kemi denoncuar prej ditës së parë”.
Duke vijuar me akuzën në drejtim të ish-kreut të PD-së, deputeti socialit ka kërkuar nga ana e prokurorisë që të nisë hetimet dhe të bëjë detyrën e saj. Kjo, pasi ky skandal ka qenë denoncuar nga ana e PS-së së në vitin 2013.
Sipas tij, “Investigimi i “Bloomberg” ka zbardhur edhe skemën e ryshfetit. OSI Systems/Rapiscan, me qendër në Kaliforni, ka marrë nga Sali Berisha një kontratë prej 250 milionë dollarësh; dhe vetëm disa muaj më pas shiti 49% të aksioneve tek një kompani fantazëm shqiptare. Vlera e aksioneve, me vlerë 122.5 milionë dollarë, u shit tek kompania e lidhur me Sali Berishën për vetëm për 4 dollarë. Sipas punonjësve të OSI Systems, të cituar, gjysma e 250 milionë dollarëve të kontratës së lidhur midis shtetit shqiptar dhe kompanisë amerikane iu kalua në formë ryshfeti ish-kryeministrit të Shqipërisë dhe të afërmve të tij, deri në vitin 2013. Provat janë mbi tryezën e Prokurorisë prej vitit 2013. Tashmë, ato po bëjnë edhe xhiron e botës duke dëmtuar rëndë imazhin ndërkombëtar të vendit. Pas këtij denoncimi të ardhur nga SHBA, presim që Prokuroria të fillojë të bëjë detyrën e saj”.
Sipas një investigimi të bërë nga BIRN, kompania amerikane që zotëron 51 % të aksioneve të koncesionit të skanimit të kontenierëve në Shqipëri, është vënë në qendër të akuzave se ka paguar një rryshfet të majmë për sigurimin e kontratës nga qeveria shqiptare.
Carson Block-themelues i “Muddy Waters Research”, i cili ka fituar reputacion përmes denoncimit të praktikave mashtruese të kompanive ndërkombëtare dhe basteve në bursë deklaroi në “Bloomberg” se kompania OSI Systems është e “në thelb e kalbur” dhe ofroi si argument kontratën koncesionare të fituar në Shqipëri si dhe një kontratë të dytë të madhe të kompanisë në Meksikë.
“Kemi prova të pamohueshme se disa vite më parë, kur kompania fitoi një kontratë në Shqipëri me vlerë nga 150 deri në 250 milionë USD, ata paguan një rryshfet me thuajse gjysmën e atij koncesioni. Për mua kjo është një provë e qartë,” deklaroi Block.
Rapiscan Systems Inc. me bazë në Kaliforni dhe kompania bijë e regjistruar në Shqipëri, S2 Albania fituan një kontratë koncesionare 15-vjeçare për skanimin e kontenierëve nga qeveria e ish-kryeministrit Sali Berisha në vitin 2011. Kontrata u miratua në Parlament dy vjet më vonë dhe hyri në fuqi në prag të zgjedhjeve parlamentare të vitit 2013.
Kur ishte në opozitë, Partia Socialiste e denoncoi koncesionin e skanimit si aferë korruptive të qeverisë “Berisha” dhe me të ardhur në pushtet në vitin 2013, nisi procedurat për prishjen e kontratës por u përball shpejt me një padi në arbitrazh. TIRANA TODAY
