Kanë përfunduar punimet në gati 2/3 e tubacionit Trans Adriatic Pipeline (TAP) në Greqi dhe Shqipëri, thuhet në një mesazh nga konsorciumi i TAP AG.
Gazsjellësi TAP vjen me lajme të mira për të gjithë shqiptarët dhe jo vetëm, pasi kompania “Trenching” ka përfunduar shtrimin e 2/3 të tubacioneve të Trans Adriatic Pipeline në Shqipëri dhe në Greqi, ndërsa punimet po vijojnë me ritme të shpejta për këtë projekt gjigant. Ky projekt iu siguron shqiptarëve, por edhe të gjithë vendeve ku kalon, një kosto më të vogël shpenzimesh për nevojat e tyre me gaz në përditshmëri.
E përkthyr në shifra kilometrike, nga 765 kilometra rrugë, janë realizuar 507 të tilla në Greqi dhe në Shqipëri. Në deklaratën e konsorciumit të TAP AG, thuhet se tubacioni do të futet 1 metra në tokë dhe do të jetë i padukshëm.Tap është pjesë e korridorit të Gazit Jugor, i cili është konsideruar si një nga projektet prioritare të energjisë për Bashkimin Evropian.
Në projekti i këtij gjiganti, parashikohet transporti i gazit nga Shah Deniz Faza e Azerbajxhanit drejt vendeve të Bashkimit Evropian, kjo strategji do të furnizojë me gaz shumë vende, ndërsa shërbimi ndaj qytetarëve, do të jetë në kohë rekord dhe me cilësi të lartë.
“ Tubacioni do të lidhet me tubacionin e gazit natyror Trans Anatolian (TANAP) në kufirin turko-grek, të drejtuar përmes Greqisë, Shqipërisë dhe Detit Adriatik, përpara se të burojë në jug të Italisë.TAP do të jetë 878 kilometra i gjatë. Në Greqi është 550 kilometra, në Shqipëri 215 kilometra, Deti Adriatik 105 kilometra, dhe në Italia 8 kilometra“ – shkruan Azer News
Por cilat janë aksionerët në këtë projekt gjigant të furnizimit të gazit për Bashkimin Evropian, por jo vetëm: BP (20 përqind), SOCAR (20 përqind), Snam S.p.A. (20 përqind), Fluxys (19 përqind), Enagás (16 përqind) dhe Axpo (5 përqind). TIRANA TODAY
