Hakerët rusë nuk kanë sulmuar asnjëherë sistemin e votimit të Shteteve të Bashkuara përgjatë zgjedhjeve presidenciale të vitit 2016. Ky është konstatimi që bën Christopher Krebs, shefi i Departamentit të Sigurisë Kombëtare në Dhomën e Përfaqësuesve të SHBA-ve.
“Pjesa më e madhe e aktivitetit ishte thjesht skanimi. Skanimi ndodh gjatë gjithë kohës në të gjithë uebin… Por unë nuk do ta përshkruaja një gjë të tillë si sulm” tha Krebs gjatë dëgjimit të përbashkët të Nënkomiteteve të Mbikëqyrjes së Shtëpisë së Bardhë. “Asnjë prej 21 shteteve nuk është sulmuar kurrë… dhe kur gjëra të tilla cilësohen si sulme atëherë kemi të bëjmë vetëm me një paragjykim dhe mbivlerësim të situatës… Nëse ky nuk është konteksti i duhur, atëherë unë do të kërkoj falje”.
Krebs është zyrtar i lartë amerikan, i cili mban postin e Nënsekretarit për Drejtorinë Kombëtare të Mbrojtjes dhe Programeve në DHS, ku mbikëqyr sigurinë në infrastrukturën kibernetike dhe atë fizike. Ai iu përgjigj kërkesës së kongresmenes Robin Kelly, për të dhënë shpjegime mbi çështjen në fjalë, ku dyshohet se Rusia sulmoi nga ana kibernetike zgjedhjet e fundit presidenciale. TIRANA TODAY
