Dhuna ndaj grave dhe vajzave me aftësi ndryshe në Maqedoni është në nivele më të larta karahasuar me vendet e tjera të Ballkanit Perëndimor si dhe Bashkimit Evropian.
Raste e dhunës kanë një trend të frikshëm dhe kjo tregohet edhe nga shifrat e publikuara nga organizatat e mbrojtjes së grave me aftësi ndyshe. Ministrja e Punës dhe Politikës Sociale në Maqedoni, Milla Carovska, ka shprehur indinjatën për shifrat e dhunë ndaj kësaj kategorie të shoqërisë në Maqedoni. Ajo është zotuar se kjo situatë do të ketë një angazhim serioz në zgjidhjen përfundimtare të shunës dhe formave të tjera të dikriminimit apo të keqtrajtimit të këtyre grupeve.
Ajo që është e rëndësishme për ne si ministri është se jemi në procedurë dhe të gjitha institucionet e qeverisë në proces të ratifikimt të konventës së Stambollit. Së bashku do të ndërtojmë kapacitete edhe në institucione edhe organizatat qytetare, të dalin në mbrojtje dhe nëse i thërrasim të lajmërohen, kur të lajmërohen sistemi duhet tu mundësoj mbrojtje dhe mbështetje këtyre vajzave dhe grave në Maqedoni – deklaroi Milla Carovska, ministrja e punës dhe politikës sociale.
Përfaqësuesja e UNDP-së në Maqedonisë, Luiza Vinton, ka theksuar se gratë po përballen me diskriminim të madh dhe me stereotipe dhe se të njëjtat duhet të respektohen dhe t’i gëzojnë të drejtat e tyre-transmeton Alsat.
“Ditëve të sodit përballemi me diskriminim të dyfishtë, gratë janë të diskriminuara jo vetëm për atë se kanë aftësi të kufizuara po edhe vetëm se janë femra. Një nga problemet më mëdha me të cilin përballet kjo kategori janë stereotipet për to, ato trajtohen si fëmijë, sikur dikush që nuk mund të vendos për vete”– tha Luiza Vinton
Rrjeti kombëtar kundër dhunës ndaj grave dhe dhunës në familje në bashkëpunim me Ministrinë e shëndetësisë dhe me pëfaqësues të Kombeve të Bashkuara zhvilloi debat me temë “Gra dhe vajza me aftësi të kufizuara –viktima potenciale të dhunës në bazë gjinore”.
Rastet e dhunës ndaj kësaj pjesë të shoqërisë në rajonin e Ballkanit Perëndimor kanë qenë shqetësuese pavarësisht rasteve që janë dënuar nga autoritetet dhe institucionet që mbrojnë interesat dhe të drejtat e këtij grupi të margjinalizuar të shoqërisë.
