Tre shqiptarë të akuzuar për vjedhjen në vitin 2016 në rajon e Rouen në Francë, janë lënë në burg. Një bande? Përkundrazi ajo ishte një treshe e frikshme. Ata janë me origjinë nga vendi i Shqiponjave dhe janë mbrojtur nga avokati Jean-Michel Bressot, shkruan paris-normandie.fr.
Bëhet fjalë për Dorjan Noka, 24-vjeç, dhe Gëzim Prenga, 40 vjeç dhe Bajram Tafhasaj, 25 vjeç. Të tre janë dënuar nga gjykata penale ne Rouen për një seri të vjedhjesh të regjistruara në rajon në nëntor të vitit 2016.
Shoferi i mjetit Gezim Prenga është dënuar me 26 muaj burgim, dy të tjerët u dënuan me tridhjetë muaj burgim.
“Një dënim i tillë nuk është dhënë për shtetas nga Franca, ndërsa në këtë rast bëhet fjalë për shqiptarë. Është një vendim qesharak, por gjithsesi ka një favor sepse dëbimi i tyre nga vendi jonë do të jetë i lehtë”.
“Banda”, akuzohej për vjedhje në bashkëpunim në zonat: Boos, Tourville-la-Rivière, Authieux-sur-le-Port-Saint-Ouen, Heudebouville Normanville , Saint-Aubin-Celloville dhe Ymare. Në të gjithë këto vende ata kanë vjedhur bizhuteri ari.
Por telefonat që ata kanë shkëmbyer me njëri -tjetrin i tradhtuan, megjithëse thirrjet mes bandës ishin të kufizuara. Ndërsa kujtojmë se çdo muaj, 30,000 shqiptarë hyjnë në zonën e Shengenit, sipas të dhënave të një sondazhi.
Ndërsa bandat në fjalë në nëntor të 2016 kishte plaçkitur disa territore. Ministria e Jashtme është shprehur se 30% të vjedhjeve janë bërë në mënyrë të hapur, që do të thotë se operacionet e mbikëqyrjes nga xhandarmëria kanë qenë të dobëta.
Por grupi i lartpërmendur për vjedhje ngre pikëpyetje të shumta se ai ata kishin mundur që ta shisnin arin e vjedhur në Francë. “Ne e dimë se në përgjithësi këto banda e dërgojnë arrin në Shqipëri”, shpjegoi avokati. TIRANA TODAY
