Në kuadër të hetimit për strukturat e infiltruara të organizatës terroriste FETO brenda Forcave të Armatosura të Turqisë, të cilin e zbaton Prokuroria kompetente shtetërore në Stamboll është dhënë urdhër për arrestimin e gjithsej 360 të dyshuarve, raporton Anadolu Agency (AA).
Në bazë të dëshmive të reja të mbledhura është dhënë urdhër për arrestimin e të dyshuarve në mesin e të cilëve janë 333 ushtarë dhe 27 të ashtuquajtur imamë-përgjegjës apo lojalistë të FETO-s.
Në mesin e të dyshuarve në këtë proces janë 216 ushtarë aktivë në shërbim.
Ekipet policore sipas urdhërit kanë dalë në terren dhe në rrjedhë janë bastisje dhe operacione për privimin nga liria të të dyshuarve.
Organizata terroriste FETO në vitet e 70-ta të shekullit të kaluar filloi të infiltrojë të besuarit e saj në institucionet e sigurisë së Turqisë, që në vitet e 80-ta në masë të konsiderueshme forcoi piramidën e saj paralele brenda këtyre institucioneve, dhe në fund, më 15 korrik të vitit të kaluar kreu grusht shtetin e dështuar me qëllim të cenimit të rendit kushtetues dhe përmbysjes së pushtetit të zgjedhur në mënyrë demokratike në Turqi.
Sipas të dhënave të fundit, në gjithsej 113 vende të botës veprojnë mbi njëqind shkolla dhe institucione arsimore lidhur me organizatën terroriste FETO.
