Një Durrës, është finalizuar me sukses operacioni antidrogë i koduar”Luzi”, ku është sekuestruar një sasi lëndësh narkotike si dhe armë. Ndërsa, është bërë i mundur arrestimi i dy shtetasve, dhe një tjetër është shpallur në kërkim.
Njoftimi i policisë
Specialistët për Hetimin e Narkotikëve në Drejtorinë Vendore të Policisë Durrës, në vijim të punës së tyre për parandalimin e rasteve të prodhimit dhe shitjes së lëndëve narkotike, në bazë të informacioneve të siguruara në rrugë operative kanë goditur një tjetër rast duke finalizuar me sukses operacionin e koduar”Luzi”.
Janë arrestuar në flagrancë shtetasit:
- Lek Biba, 33 vjeç, banues në Luz, Fushë-Krujë;
- Jurgen Tufa, 23 vjeç, banues në Luz, Fushë-Krujë.
Gjithashtu është shpallur në kërkim dhe po punohet për kapjen e shtetasit:
- F.B. 32 vjeç, banues në Luz, Fushë-Krujë.
Më datë 22.11.2017, në Luz, Fushë – Krujë, gjatë kontrollit të ushtruar në automjetin tip Opel Corsa me drejtues shtetasin Jurgen Tufa dhe pasagjer shtetasin Lek Biba i’u gjetën dhe sekuestruan në cilësinë e provave materiale:
- rreth 44 kg lëndë narkotike e dyshuar e Cannabis Sativa
- dy armë zjarri pistoletë me mbishkrimin “Ecol Special 99”, kalibri 9 mm me kreher dhe fishekë.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale” Prodhimi dhe shitja e narkotikëve” në bashkëpunim dhe” Prodhimi dhe mbajtja pa leje e armëve luftarake dhe e municionit” parashikuar në nenet 283/2 , 278/1/5 të Kodit Penal.
