Një tjetër protestë do të organizohet kundër dënimit të padrejtë të grupit të Kumanovës.
Protesta do të mbahet në Shkup, më 28 nëntor në orën 14:00.
Në protestë do të kërkohet lirimi i të dënuarve shqiptarë për çështjen e Kumanovës, ndërsa në njoftim thuhet se dënimet erdhën nga një proces i montuar politik.
“Të dashur vëllezër dhe motra, ngado që jetojmë në Trojet tona Etnike, po na Burgosin dhe dënojnë Çlirimtarët e Kombit!
Rasti i fundit është me vëllezërit tanë, pjesëtaret e UÇK-së e Riorganizuar apo Grupi i Kumanovës,ku ndaj tyre Gjykata e armikut në “Shkupi 1” në Shkup,shpalli dënime të rënda, dënime nga një Proces tërësisht i montuar politik !
Sot ma shumë se kurrë nevojitet ndihma juaj vëllezër dhe motra, të protestojmë duke kërkuar lirimin e tyre. Prandaj pjesëmarrja juaj është jetike, vetëm me Protesta gjithë popullore ia bëjmë me dije armiqve se jemi 7 milion shqiptarë në Ballkan”, thuhet ndër të tjera në njoftim.
