Roma ka kaluar në avantazh përballë Lazios me anë të 11-metërshi të ekzekutuar në mënyrë perfekte nga Perroti. Edhe pse Strakosha e kupton krahun e ka të pamundur ta ndalë këtë penallti. Edhe në ndeshjen e sezonit që lamë pas, ishte pikërisht Perroti që ekzekuton një penallti dhe e kthen në gol. Në 13 penallti të ekzekutuar ai ka kthyer në gol 12 të tilla, vetëm në një rast nuk ka shënuar. Ndërsa përballë Lazios ky është goli i tretë personal për lojtarin.
Ndërsa vetëm 3 minuta më vonë është Nainggolan që dyfishon rezultatin pas një gabimi të Bastos. Ky ndoshta ishte edhe goli i nokautit për Lazion. Ndeshja ka shkuar në rezultatin 2-0 dhe në Olimpico ka filluar festa e tifozëve të Romës.
Tashmë Inzagit i duhet të bëjë disa ndërhyrje për të bërë kthesën në këtë ndeshje dhe ta kthejë Lazion në një ekip më agresiv.
