Gjatë vitit të kaluar në Maqedoni, kur qeveriste Gruevskit, kishte rast kur një deputet dorëzonte llogari fiskale në vlerë prej mbi 3 mijë euro. Dhe në atë kohë, opozita që sot është në pushtet, akuzonte qeverinë VMRO-së se po bëjnë jetë luksi dhe se dorëzojnë llogari fiskale të rrejshme për shpenzime për udhëtim. Tani gjendja është e kundërt, por deputetët e qeverisë së re nuk kanë për qëllim që t′i ulin këto shpenzime. Për vitin 2018, ata kanë në dispozicion 1.3 milion euro për pagesën e mbushjes së automjeteve me benzinë dhe për pagesën e pikave pagesore.
Ndaj dhe nuk ndalen reagimet nga opinioni publik në rrjetet sociale për shpenzimet për udhëtime të deputetëve. Revolta u rrit pasiqë edhe për vitin e ardhshëm në buxhet janë paraparë shuma milionëshe para të qytetarëve, për këtë privilegj të deputetëve.
Organizatat joqeveritare vlerësojnë se nevojiten kushtëzimë të veçanta për rregullimin e kësaj problematike. Sipas Sllagjana Tasevës nga “Transparens”, nëse ka kontrolle dhe evidencë më të mirë, nuk do të ketë mundësi që paratë shtetërore të keqpërdoren.
“Në privilegjet dhe përfitimet që i shfrytëzojnë anëtarët e Kuvendit, përkatësisht deputetët, mungojnë edhe mekanizma të tjera të tipit të ndjekjes dhe evidentimit të dhuratave dhe shërbimeve të pranuara, shkruan tesheshi.com. Gjithashtu vlerësojmë se shpenzimet e deputetëve bëjnë pjesë në privilegjet të cilat duhet mirë të rregullohen që të mos të keqpërdoret”, u shpreh Taseva.
Nga Komisioni për parandalimin e korrupsionit thonë se nuk mund të ndikojnë në lartësisë së shumës sësë paraparë për shpenzimet, për shkak se nuk kanë informata për deputetët të cilët në punë në Kuvend vijnë nga qytetet e tjera.
“Në disa ligje ka shumë autorizime të zgjeruara për personat e emëruar dhe zgjedhur, ku ata autorizime munden të sjellin deri tek sjellje e korruptuar. Në këtë pjesë Komisioni shtetërorë për parandalimin e korrupsionit bën përpjekje për definimin e atyre kompetencave që personat e zgjedhur të munden t′i arsyetojnë në suaza të ligjit”, tha Kryetari i KSHPK, Igor Tanturovski.
