Një ditë më parë Parlamenti maqedonas ka miratuar një projektligj që e bën gjuhën shqipe gjuhën e dytë zyrtare të vendit, mes kritikave të ashpra nga opozita konservatore.
Kuvendi votoi nevojën për sjelljen ligjit të propozuar për përdorimin e gjuhëve me çka ai hyn në fazën e dytë kur deputetët kanë mundësi të shtrojnë amendamente.
Por ky lajm mesa duket nuk është pritur mirë nga Serbia. Mediat atje shkruajnë se ngjarjet në Maqedoni tregojnë se shqiptarët nuk heqin dorë nga ideja e një “Shqipërisë së Madhe”. Nga 2.1 milion banorë të Maqedonisë, një e katërta janë shqiptarë. Deri më tani, shqipja është përdorur si gjuhë zyrtare në komunitetet ku pakicat përbëjnë më shumë se 20% të popullsisë.
Konsolidimi demografik i shqiptarëve në Maqedoni është bërë tmerri i mediave serbe. Frika e shtypit serb se në Maqedoni po krijohet dalëngadalë shteti i tretë shqiptar ka sjell edhe analiza e projeksione për shtrirjen etnike të shqiptarëve në këtë shtet.
Ndërsa të dhënat e regjistrimit të vitit 2002 tashmë konsiderohen si tejet të vjetruara dhe pak të besueshme, shqiptarët me fitoren në Kërçovë në vitin 2013 dhe në Dollnen, në zgjedhjet lokale të këtij viti, kanë krijuar një bllok të fortë që shtrihet edhe në zemër të Maqedonisë.
Portali serb ‘Srbijadanas’ ka publikuar një hartë të përqindjes së shqiptarëve në Maqedoni, ku bie në sy mbizotërimi në Çashkë dhe Dollnen, komuna këto në Maqedoninë qendrore.
“Ne nuk do të votojmë për nevojën e sjelljes të këtij ligji. Do t’i shqyrtojmë të gjitha procedurat demokratike në fazën e radhës të mënjanohen lëshimet në këtë ligj”, tha Dimovski. Pas votimit, Dimovski kërkoi gjysmë ore pushim dhe t’i dorëzohet lista e votimit.
Amendamentet për Propozim-ligjin do të shqyrtohen nga Komisioni për çështje evropiane, pasi që ligji është me flamur evropian. Më pas ligji në lexim të dytë sërish do të shkojë në seancë plenare në debat ndërsa më pas pason deklarimi final i deputetëve për tekstin. Shqiptarët etnikë përbëjnë një të katërtën e 2.1 milion popullsisë së Maqedonisë.
Ligji i mëparshëm, i cili u ngrit nga një marrëveshje e paraqitur në vitin 2001 përfundoi në një konflikt të armatosur ndërmjet rebelëve shqiptarë etnikë dhe forcave qeveritare. Agjencia e lajmeve “Tanjug”, bën të ditur se Maqedonia tashmë është gati për një ligj të tillë. Komiteti mund ta marrë parasysh projektligjin për tre ditë, pas të cilit do të kthehet për një lexim të dytë në seancë plenare, pasuar nga anëtarët e Kuvendit që paraqesin qëndrimin e tyre në tekstin ligjor.
Ligji do ta bënte gjuhën e dytë zyrtare të Maqedonisë, së paku 20 përqind e qytetarëve dhe të gjitha organeve shtetërore, institucioneve qendrore, ndërmarrjeve publike, agjencive. E njëjta vlen edhe për njësitë e qeverisjes vendore.(Tirana Today)
