Kreu i PD-së, Lulzim Basha ka akuzuar Ramën se po kërkon të pastrojë paratë e drogës me anë të projektbuxhetit.
Basha tha se Rama i futi Shqipërisë “kancerin e drogës” dhe se është i mbaruar politikisht, pasi ka humbur çdo lloj legjitimiteti për të qëndruar në pushtet.
Rama u bëri thirrje deputetëve që të mos e votojnë projektbuxhetin, sipas tij, të pastrimit të parave.
FJALA E BASHËS:
Si gjithçka tjetër edhe kjo ishte fasadë.
Edi Rama i futi Shqipërisë kancerin e drogës dhe tani synimi është legalizimi i saj. Prandaj në Shqipëri ka banka dhe koncesione me pronare ne parajsa fiskale. Edi Rama e banalizon dhe e bën qesharak problemin e pastrimit te parave për te fshehur të vërtetën.
Të gjithë kemi mëkatet dhe gabimet tona, por vetëm Rama zgjodhi të qeverisë me krimin dhe drogën.
Edi Rama është i mbaruar politikisht, ka humbur çdo lloj legjitimiteti për të qëndruar në pushtet.
Ju ftoj ta ndalojmë këtë buxhet që thellon varfërinë dhe thellon të keqen.
Ne duhet të ndahemi njëherë e mirë nga krimi, droga dhe vetëshkatërrimi i vendit.
Rama e pranon kanabisin, por nuk jep përgjigje ku shkuan paratë e drogës dhe ku janë kriminelët qe i bënë.
Legalizimi i parave te drogës është projekt i Edi Rames.
Kush ngre kartonin për këtë buxhet të pastrimit të parave, është përgjegjës njësoj si Edi Rama. Do të legalizoje krimin në krye të politikës dhe ekonomisë.
Nëse Edi Rama qëndron ne pushtet, do të thellohet fatura për çdo shqiptar.
