Trajnerët e dy ekipeve kanë publikuar formacionet zyrtare të cilat do të zbresin në fushë në përballjen Turqi-Shqipëri. Panucci ka vërtetuar edhe njëherë që do të përdorë një formacion sulmues dhe do të kërkojë të marrë më të mirën në këtë sfidë edhe pse është një miqësore.
Tekniku italian nuk ka preferuar të eksperimentojë që nga fillimi i ndeshjes me lojtarët e rinj, kështu që nuk ka pasur shumë ndryshime nga formacioni që kemi parë në fushë edhe në ndeshjet e mëparshme. Është Berisha që do të mbrojë portën e kuqezinjve, ku para tij do të qëndrojë Mavraj dhe Veseli, ndërsa nga krahët do të jetë Hysaj dhe Lenjani, pasi po kalon një formë mjaft ë mirë. Në mesfushë është preferuar tridenti Lilaj-Xhaka-Memushaj, ndërsa krahët e sulmit do ti kenë dy kotorrat ekombëtares Grezda në të majtë dhe Roshi në të djathtë. Ndërsa në majën e sulmit do të qëndrojë bomberi elbasanas Sadiku.
Nga ana tjetër edhe Lucescu do të kërkojë të marrë një rezultat pozitiv, pas humbjes në miqësoren e fundit, pasi një rezultat negativ mund ti kushtojë edhe stolin. Prandaj ai ka vendosur të hedhë në fushë lojtarët më të mirë të momentit.
Formacionet zyrtare:
Turqia: Babacan, Jardimci, Aziz, Sojuncu, Turan, Jukuslu, Ozjacup, Calhanoglu, Under, Karaman, Tosun
Trajner: M. Lucescu
Shqipëria: Berisha, Hysaj, Mavraj, Veseli, Lenjani, Lilaj, Xhaka, Memushaj, Roshi, Grezda, Sadiku
Trajner: C. Panucci
