Avokati i gjyqtarit të cilit iu gjetën në shtëpi 330 milionë lekë në shtëpi ka folur pas përfundimit të seancës gjyqësore ndaj Shkëlqim Mirit.
Sipas avokatit Ardian Visha, Prokuroria kërkoi arrest me burg pa vërtetuar natyrën kriminale të parave të gjetur.
Visha tha se shuma e gjetur në shtëpi ka justifikim të karakterit burimor, pra sqaroi se një pjesë e parave të gjetura nuk janë të gjyqtarit, ndërsa shtoi se Shkëlqim Miri është ekzaminuar me tumor në kokë dhe se një pjesë e parave do të përdorej për ndërhyrje kirurgjikale.
Fjala e Vishës:
Është detyrë e prokurorisë të provojë natyrën kriminale të parave të gjetura, kjo gjë nuk u bë. Gjyqtari ka një problematikë shëndetësore, është ekzaminuar me tumor në kokë, ka nevojë për ndërhyrje kirurgjikale. Nuk janë të gjitha paratë të tij. Ka 25 vjet në punë me rrogë të mirë, ai por edhe bashkëshortja e tij. Ndalimi është bërë në mënyrë të pajustifikuar, ka qenë 3 herë në kontakt me prokurorinë. Paratë kanë justifikim të karakterit burimor./ Tirana Today
