Dizajni është aktiviteti që përcakton jetën bashkëkohore. Ai është unik për qytetërimin bashkëkohor. Dizajnet e përsosura i ndryshojnë gjërat përgjithmonë. Në fund të fundit, dizajni na bën të ndihemi mirë me veten dhe me botën tonë. Projektet e mëdha krijojnë ekzistencën dhe konfirmojnë se jeta është më shumë se një bashkim i përkohshëm i hidrokarbureve në kaosin relativist të një Universi të tmerrshëm me vrimat të zymta e të zeza. Ne kemi zgjedhur pesë prej dizajneve që kanë lënë gjurmë në historinë e njerëzimit.
Sytjenat- 1910
Sytjenat janë kryevepra e dizajnit: nuk është mënyra më efikase për akomodimin e gjinjve të femrës, por është mënyra më tërheqëse. Një formë e sytjenave njihej nga egjiptianët dhe është rishfaqur gjatë gjithë historisë, por vetëm në shekullin e 19-të sytjenat filluan të zëvendësonin korsetë, si ndikim kryesor në formën e grave. Në vitin 1910, kur Caresse Crosby improvizoi sytjenat e para duke ndarë dhe theksuar gjinjtë u krijua profili i gruas moderne.
Shishe Coca-Cola- 1915
Në vitin 1915, kompania Coca-Cola donte një shishe unike për të dalluar produktin e saj nga konkurrenca e padenjë dhe vendosi që një formë e dallueshme në errësirë do të krijonte një autonomi të vlefshme komerciale. Shishja e famshme, e cila pretendohet të jetë reklama më e suksesshme e të gjitha kohërave, u frymëzua nga Enciklopedia Britanike. Ato u sintetizuan në një formë që na sjell në mendje formën e lakuar femërore.
Taksitë- 1958
Taksitë e para në Londër u shfaqën në shekullin e 17 dhe e fundit prej tyre u tërhoq vetëm në vitin 1947. 11 vjet më vonë, Austin paraqiti FX4. Projektuesi ishte Eric Bailey. Është një kryevepër e automjeteve: me një gjatësi prej 15 këmbësh brenda saj mund të strehojë pesë pasagjerë, një shofer dhe një bagazh. Charles Eames mendonte se FX4 ishte dizajni më i mirë në botë.
Minifundi- 1960
Mary Quant e quajti fundin e saj të shkurtër njësoj si veturën e saj të preferuar, Mini Cooper, të cilën ajo e përshkroi si “optimiste, të bollshme, të re, flirtuese”. Ashtu si automjeti origjinal i Issigonis-it demokratizoi makinën, minifundi i Quant-it demokratizoi modën. Ishte gjithashtu shumë seksi dhe u bë simboli i paharrueshëm i Londrës nga revista Time në vitin 1966. Minifundet ishin parë në ilustrimet fantastiko erotike dhe André Courrèges pretendon të jetë pionier i dizajnit, por Quant do të mbahet gjithmonë mend për faktin që i bëri këmbët e një gruaje simbol të çlirimit.
iPhone- 2007
Njerëzit flisnin për zhvillimin e telefonave dhe kompjuterëve në vitet ’70, por ky zhvillim nuk erdhi derisa Steve Jobs vendosi ta sjellë. iPhone 2007 ndryshoi mënyrën se si mendojmë dhe sillemi. Por kurrë nuk do të ishte pranuar aq shpejt si pjesë e shoqërisë njerëzore nëse Jonathan Ive s’do të bënte një punë të shkëlqyer të dizajnit të tij. iPhone është ikona kryesore e një feje të re. Është modest, por monumental: asgjë nuk duhet të shtohet, asgjë nuk duhet të hiqet. Është i përsosur. (TIRANA TODAY)
