Një ditë pas marshimit protestues “Drejtësi për Astritin”, kryeministri i Kosovës, Ramush Haradinaj ka marrë leckën dhe i është futur punës për pastrimin e godinës së Kryeministrisë.
Sigurisht, ai ka pastruar në mënyrë simbolike, pasi veshja e tij e pengonte disi Haradinajn që të pastronte bojën e kuqe.
Vetë kryeministri kosovar ka postuar disa foto nga ku aksion, si për të dhënë mesazhin që humbja e një njeriu është shumë e dhimbshme, por shteti duhet respektuar,pasi institucionet janë të popullit.
“Vetë kam humbur njerëz të familjes, në kohë lufte dhe pas saj. Humbjen e familjarëve e ndiej thellë dhe kam respekt për familjet që kanë përjetuar dhimbjen.
Respekt për protesuesit, por shteti i Kosovës ngritet duke e respektuar dhe duke e forcuar atë.
Mos e dëmtoni tuajën, sepse institucionet janë të popullit.
Familjes Dehari do t’i qëndrojmë pranë dhe drejtësia për Astritin do të vihet në vend”, shkruan Haradinaj në Facebook.
Dje u shënua 1-vjetori i vdekjes së aktivistit Astrit Deharit. Me pankartat “Drejtësi për Astritin”, aktivistë të Vetëvendosjes kanë marshuar duke protestuar para ndërtesës së qeverisë, madje disa prej tyre kanë thyer disa xhama.
Po ashtu, protestuesit i dhënë “ultimatum” qeverisë me anë të një mbishkrimi në godinën e qeverisë që të zbardhë vdekjen e Deharit deri më 5 shkurt 2018.
