Ministri për Evropën dhe Punët e Jashtme, Ditmir Bushati së bashku me Ministren e Kulturës Mirela Kumbaro vizituan ditën e djeshme
shqiptarët në Janinë. Në takimin e zhvilluar të ka marrë pjesë dhe konsulli shqiptar në Janinë. Ky takim është bërë publik nga vetë ministri me anë të një
postimi në facebook ku ndër të tjera shkruan se qeveria ka marrë vullnet për të siguruar votën emigrantëve.
“Në Janinë bashkë me Mirelen takuam shqiptarët që jetojnë atje. Ne ju detyrohemi shumë atyre për gjithçka që kanë bërë për Shqipërinë. Qeveria jonë ka marrë angazhim për të garantuar votën dhe leximin e ndershëm të saj në vendet ku jetojnë”.
Ishte ky postimi i Bushatit. Ky takim vjen pas një situate të tensionuar Shqipëri-Greqi, pasi ditën e djeshme pikat kufitare greke u bllokuan me justifikimin se nuk punonte sistemi TIMS.
