Presidenti çek Milosh Zeman është shprehur i vendosur kundër pavarësisë së Katalonjës. Ai ka hequr një paralele me pavarësinë e Kosovës për të cilën tha se nuk do të caktojë ambasador në këtë vend.
“Unë, si president, kam reaguar duke mos emëruar ambasadorin tonë në Prishtinë. Dhe nuk do të caktoj asnjë ambasador atje. Të paktën kur të caktohen ambasadorët e vendeve të huaja në Çeki nuk do të kemi të njëjtën përgjegjësi me atë të Kosovën”, shprehet Zeman në një intervistë për një televizion privat çek.
Duke iu referuar Kosovës dhe Katalonjës, sipas tij Çekia do të njihte pavarësinë e Katalonjës, ajo do të “hapte kutinë e Pandorës dhe do të krijonte një reagim zinxhir”.
“Sot Katalonja, nesër Italia Veriore, më pas Skocia, pastaj baskët, gjë që do dëshironte edhe ETA. Javën e ardhshme Moravia, jugu i Sllovakisë dhe tashmë që Qiproja është goditur nga kjo valë, e cila do ta bënte problemin e pavdekshëm. Atëherë ky do të jetë një reaksion zinxhir, që nuk do të ndalet kurrë”, tha Zeman, i cili njihet edhe si mik i Putinit.
Presidenti çek theksoi se ai është kategorikisht kundër pavarësisë së rajoneve evropiane, pasi kjo sipas tij, hap kutinë e Pandorës. Ndërsa kujton se referendumi dhe shpallja e pavarësisë së Katalonjës u realizuan kundër Kushtetutës së Spanjës, shkruan b92.
Republika Çeke është një nga vendet që njohu pavarësinë e Kosovës – kjo ndodhi në maj 2008, gjatë mandatit të presidentit Vaclav Klaus. Por, tashmë gjërat kanë ndryshuar për Zemanin.
“Kam kritikuar shkëputjen e Kosovës në atë kohë dhe e konsideroj atë shkelje flagrante të rezolutës së Këshillit të Sigurimit të Kombeve të Bashkuara (1244), i cili, nëse ende mban mend, garanton integritetin territorial të Serbisë me Kosovën. Kur është një referendum në Krime, është një aneksim i paligjshëm, kur Kosova bëhet e pavarur atëherë gjithçka është në rregull”, tha Zeman gjatë intervistës. Ndërsa shtoi se nisur nga ky precedent nuk do të caktojë ambasador për Çekinë në Prishtinë. TIRANA TODAY
