Një pako e dyshimtë ka hapur panik në radhët e sigurisë së Shtëpisë së Bardhë, ku mëngjesin e sotëm godina u mbyll për disa orë. Mësohet se një person i cili kishte qenë në paraburgim, kishte vendosur një pako të dyshimtë në rrugë.
Parku i Lafayette ishte bllokuar për këmbësorët pranë Shtëpisë së Bardhë. Reporterët dhe stafi u udhëzuan të mos largoheshin nga Shtëpia e Bardhë, derisa hetimi po vazhdon. Incidenti erdhi vetëm pak minuta pasi Presidenti Donald Trump u nis nga Shtëpia e Bardhë për tek marina, duke u bërë gati për një udhëtim të tij drejt Azisë.
